ავტორიზაცია
ოფიციალურად: ვიდალი ახალ გუნდში გადავიდა და უკვე სათამაშო ნომერიც შეარჩია
მილანის "ინტერის" აწ უკვე ყოფილი ნახევარმცველი, არტურო ვიდალი კარიერას ბრაზილიის ჩემპიონატში გააგრძელებს.
35 წლის ჩილელმა "ფლამენგოსთან" გააფორმა კონტრაქტი და ახალ გუნდში 32-ნომრიანი მაისურით იასპარეზებს.
მოგეხსენებათ, ვიდალმა აქამდე "ნერაძურისთან" ორმხრივი შეთანხმების შედეგად თანამშრომლობა შეწყვიტა.
არტურო "ინტერის" ღირსებას 2020/21 წლების სეზონიდან იცავდა და მილანელებთან ერთად იტალიის ჩემპიონატი, თასი და სუპერთასი მოიგო.
გასულ სეზონში ვიდალმა ყველა ტურნირზე ერთად 40 მატჩი ჩაატარა, 2 გოლი გაიტანა და 4 შედეგიანი გადაცემა გააკეთა.
