ავტორიზაცია
ოფიციალურად: აიტანა ბონმატი ოქროს ბურთის გამარჯვებულია
ბარსელონას ქალთა გუნდის ფეხბურთელი, აიტანა ბონმატი ოქროს ბურთის გამარჯვებული გახდა.
აღსანიშნავია, რომ აიტანამ ეს ჯილდო ზედიზედ მეორედ მოიგო. ამასთან, ეს ბარსასთვის ზედიზედ მე-4 ოქროს ბურთია, რადგან, ბონმატის მსგავსად, მანამდე, აღნიშნული პრიზი ზედიზედ 2-ჯერ ალექსია პუტელიასმაც დაისკუთრა.
ასევე, საინტერესოა, რომ 2024 ოქროს ბურთის 3-ეულში მხოლოდ ბარსელონელები მოხვდნენ - აიტანა ბონმატი (1), ქეროლაინ გრემ ჰანსენი (2) და სალმა პარალიუელო (3).
"მადლობა მხრუვალე აპლოდისმენტებისთვის. ამაყი ვარ, რომ ისევ აქ ვიმყოფები, მაგრამ ამისთვის მარტო არ მიმიღწევია. ძალიან მადლობელი და იღბლიანი ვარ, რომ ისეთი შესანიშნავი თანაგუნდელები მყავს, რომლებიც უკეთესს მხდიან. მადლობა კლუბში მომუშავე პირებს. მათ გარეშე, ამ წარმატებებს ვერ მივაღწევდით.
ასევე, მადლობა პრეზიდენტ ლაპორტასა და ბორდის წევრებს. არ მინდა, დავივიწყო ქომაგები, რომლებიც ყოველდღიურად მხარს გვიჭერენ. ამასთან, უნდა ვახსენო ქეროც (გრემ ჰანსენი), რომელიც ამ ჯილდოს იმსახურებდა. მადლობა ჩემს ოჯახსა და მეგობრებსაც. ისინი ურთულესს მომენტებში გვერდში დამიდგენენ.
აქამდე ბარსასა და ეროვნული ნაკრების გამარჯვებულის მენტალიტეტს მოვყავარ. ბარსასთან ვალში ვარ. ვიმედოვნებ, კიდევ ბევრ ტიტულს მოვიგებ.
ბარსელინას ზედიზედ 4 ოქროს ბურთი... ეს კლუბისთვის დიდებულია. ამაყი ვარ, რომ ამ ექსტრაორდინალური კლუბის წევრი ვარ და ალექსიასთან ვთამაშობ... ბარსასთან ვალში ვარ, მათ 13 წლიდან ყველაფერი მომცეს," - განაცხადა აიტანამ.
