ოფიციალურად: ანდრეი დემჩენკო დინამო ბათუმის მთავარი მწვრთნელია

„დინამო ბათუმმა“ გუნდის ახალ მწვრთნელად ანდრეი დემჩენკოს დანიშვნა ოფიციალურად დაადასტურა.

გია გეგუჩაძის წასვლის შემდეგ, აჭარული გუნდის მთავარი მწვრთნელის პოსტზე გორის „დილას“ აწ უკვე ყოფილი სპეციალისტი დაინიშნა.

დემჩენკომ „დინამო ბათუმთან“ კონტრაქტი 2025 წლამდე გააფორმა, მისი „დილადან“ გამოსყიდვა ბათუმელებს 25 ათასი ევრო დაუჯდათ.