ოფიციალურად: ბარსას და არსენალის სამიზნემ მოქმედი კლუბიდან წასვლა დაადასტურა

ბელგიელი ნახევარმცველი იური ტილემანსი „ლესტერში“ აღარ ითამაშებს.

ფეხბურთელი „ინსტაგრამზე“ კლუბის გულშემატკივრებს, თანაგუნდელებს, მწვრთნელებს და მფლობელებს უკვე დაემშვიდობა.

ბელგიელი ჩემპიონშიფში გავარდნილ გუნდს უფასოდ, თავისუფალი აგენტის სტატუსით ტოვებს, რადგან 30 ივნისს კონტრაქტი ეწურება.

ტილემანსის მიმარტ ინტერესს „ბარსელონა“ და „არსენალი“ იჩენენ. თუმცა, ფაბრიციო რომანოს ინფორმაციით, ფეხბურთელს პირადად ჯერ არავინ დაკავშირებია.

4.5 სეზონში ტილემანსმა „ლესტერში“ 158 მატჩი ჩაატარა, რომლებშიც 21 გოლი გაიტანა.