ოფიციალურად: ჩელსიმ ბარსელონადან მარკ გიუ გამოისყიდა

ოფიციალური ინფორმაციით, მარკ გიუ ბარსელონადან ჩელსიში გადავიდა და ლონდონურ კლუბთან 5-წლიანი კონტრაქტი გააფორმა.

"ჩელსიში ტრანსფერი უდიდესი სიამოვნებაა. მოგზაურობის წინ დაძინება გამიჭირდა, რადგან ძალიან აჟიტირებული ვიყავი. პრემიერ ლიგაში თამაში ჩემი ოცნება იყო. ახლა აქ ვარ და ყველაფერს გავაკეთებ, რომ წარმატებებს მივაღწიო," - განაცხადა ესპანელმა ცენტრფორვარდმა.

გიუ ბარსელონას აკადემიის აღზრდილია. მან პირველ გუნდში 7 მატჩი ჩაატარა და 2 გოლი გაიტანა.

ჩელსიმ 18 წლის ფეხბურთელის სანაცვლოდ €6 მილიონი (გამოსასყიდი თანხა) გადაიხადა.