ოფიციალურად: დიეგო სიმეონემ ატლეტიკოსთან ახალი კონტრაქტი გააფორმა, ხელფასის დაკლებით

დიეგო სიმეონემ „ატლეტიკოსთან“ ახალი კონტრაქტი გააფორმა.

მადრიდულმა კლუბმა ოფიციალურად დაადასტურა, რომ „ჩოლოს“ ახალი კონტრაქტი 2027 წლამდე იქნება გათვალისწინებული.

არგენტინელი სპეციალისტი მადრიდულ გუნდში 2011 წლის დეკემბრიდან მუშაობს და „ატლეტიკოსთან“ ერთად რვა ტიტული მოიგო (კლუბის ისტორიაში ყველაზე მეტი).

ასევე, სიმეონეს „ატლეტიკოს“ სათავეში 642 მატჩი აქვს ჩატარებული (ასევე რეკორდი), საიდანაც 380 მოიგო.

Cadena SER-ის ინფორმაციით, ახალი კონტრაქტით სიმეონეს ხელფასი 20-30%-ით დაიკლებს და 12-13 მილიონი ევრო გახდება წლიურად.