ოფიციალურად: ედინ ტერზიჩი ბორუსია დორტმუნდს ტოვებს
![ოფიციალურად: ედინ ტერზიჩი ბორუსია დორტმუნდს ტოვებს](http://storage.goal.ge/uploads/posts/KTGhkM4Ah8u0WVnMxj5fO6jwi9pvu77T.jpg)
ოფიციალური ინფორმაციით, გერმანელ-ხორვატი სპეციალისტი, ედინ ტერზიჩი დორტმუნდის ბორუსიას ტოვებს.
"ძვირფასო ბორუსიელებო, მიუხედავად იმისა, რომ ახლა ამ ფაქტს ძალიან განვიცდი, მინდა, გაცნობოთ, რომ დღეს გუნდს ვტოვებ. ამ დიდებულ კლუბთან ერთად გერმანიის თასის მოგება და ჩემპიონთა ლიგის ფინალში გასვლა უზარმაზარი პატივი იყო.
"უემბლიზე" გამართული ფინალის შემდეგ, ხელმძღვანელობას შეხვედრა ვთხოვე. დორტმუნდში 10 წლის წელი გავატარე - 5 წელი სამწვრთნელო შტაბში და ორნახევარი წელიწადი მთავარი მწვრთნელის პოსტზე - და ვფიქრობ, რომ ახალი ეტაპი სხვა პიროვნებამ უნდა დაიწყოს.
ბორუსია დორტმუნდს ყველაფერს საუკეთესოს ვუსურვებ. ეს დამშვიდობება არ არის, არამედ - მომავალ შეხვედრამდე..." - აცხადებს ტერზიჩი.
ტერზიჩი დორტმუნდის ნამდვილი ლეგენდაა. მას გუნდში არაერთ პოზიციაზე უმუშავია. გასულ სეზონში, ყველასთვის მოულოდნელად, ედინმა ბორუსია ჩემპიონთა ლიგის ფინალში გაიყვანა, სადაც რეალ მადრიდთან დაძაბულ ბრძოლაში წააგო.