ავტორიზაცია

ოფიციალურად: ერიკ ტენ ჰაგმა მანჩესტერ იუნაიტედთან კონტრაქტი გაახანგრძლივა

ოფიციალურად: ერიკ ტენ ჰაგმა მანჩესტერ იუნაიტედთან კონტრაქტი გაახანგრძლივა
თარიღი 04 ივლ 2024, 14:52
ოფიციალური ინფორმაციით, ერიკ ტენ ჰაგმა მანჩესტერ იუნაიტედთან კონტრაქტი 2026 წლამდე გაახანგრძლივა.

ტენ ჰაგი: "ძალიან ბედნიერი ვარ, რომ კლუბთან შეთანხმებას მივაღწიე. შეგვიძლია, გასულ 2 წელს სიამაყით შევხედოთ, რადგან პროგრესი განვიცადეთ. თუმცა, უნდა გავაცნობიეროთ, რომ გულმოდგინედ მუშაობა გვმართებს, რომ იმ დონეზე ავიდეთ, რომელსაც მანჩესტერ იუნაიტედისგან მოელიან - შესაბამისად, პრემიერ ლიგისთვისა და ევროპული ტიტულებისთვის უნდა ვიბრძოლოთ. კლუბთან მოლაპარაკებებისას აშკარა გახდა, რომ ჩვენი ხედვები ერთმანეთს ემთხვევა - თავგადასავალს ერთად ვაგრძელებთ და ერთიანნი ვართ."

დენ ეშვორთი (მან იუნაიტედის სპორტული დირექტორი): "ბოლო 2 სეზონში 2 ტიტულის მოგებით, ერიკ ტენ ჰაგი ევროპის მასშტაბით ერთ-ერთი ყველაზე წარმატებული მწვრთნელია. გადავწყვიტეთ, რომ ჩვენი პროექტის გასაძღოლად ერიკი საუკეთესო პარტნიორი იყო. ფეხბურთელებმა და სამწვრთნელო შტაბმა აჩვენეს, რომ კონკურენტუნარიანები არიან და უმაღლეს დონეზე ყოფნა შეუძლიათ. ახლა სტაბილურობა გვმართებს. ტენ ჰაგთან მუშაობით გვსურს, ამ კლუბის ამბიციები გავამართლოთ."

ნიდერლანდელმა სპეციალისტმა "წითელი ეშმაკები" 2022 წელს ჩაიბარა. მან გუნდთან ერთად ინგლისის ლიგის თასი (22/23) და FA Cup-ი (23/24) მოიგო.