ავტორიზაცია
ოფიციალურად: ფედერიკო კიეზა ლივერპულის ფეხბურთელია
ლივერპულმა ფედერიკო კიეზას ტრანსფერი ოფიციალურად დაადასტურა. იტალიელმა სამედიცინო შემოწმება წარმატებით გაიარა და კლუბთან გრძელვადიანი კონტრაქტი გააფორმა.
"ძალიან ბედნიერი ვარ, რომ ლივერპულის ფეხბურთელი გავხდი. როცა რიჩარდ ჰიუზმა და მწვრთნელმა დამირეკეს, მაშინვე დავთანხმდი, რადგან ამ კლუბის ისტორიას ვიცნობ და ვიცი, ფანებისთვის ის რას წარმოადგენს. მუშაობის დაწყებას მოუთმენლად ველი," - განაცხადა კიეზამ.
#BenvenutoFederico 👋🇮🇹 pic.twitter.com/WTT15qBCPV
— Liverpool FC (@LFC) August 29, 2024
მერსისაიდელები იუვენტუსს იტალიელი შემტევის სანაცვლოდ €15 მილიონს გადაუხდიან. მან ინგლისურ გუნდთან 4-წლიანი კონტრაქტი გააფორმა და 14-ნომრიან მაისურს მოირგებს.
ფედერიკო კიეზა არნე სლოტის მეორე შენაძენია. მანამდე, ლივერპულმა გიორგი მამარდაშვილის ტრანსფერი გააოფიციალურა - ქართველი მეკარე მერსისაიდულ კლუბში 2025 წელს გადავა.
