ოფიციალურად: ისკო ბეტისის ფეხბურთელია

ანდალუსიურმა „ბეტისმა“ „რეალის“ ექს-ნახევარმცველის, ისკო ალარკონის ტრანსფერი ოფიციალურად დაადასტურა.

31 წლის ფეხბურთელი სევილიურ კლუბს თავისუფალი აგენტის სტატუსით შეუერთდა და კონტრაქტი 2024 წლის 30 ივნისამდე გააფორმა.

ისკო გასული წლის დეკემბრის შემდეგ თავისუფალი აგენტი იყო, როცა „ბეტისის“ მოსისხლე მტერი „სევილია“ კონტრაქტის გაწყვეტის საფუძველზე დატოვა.