ოფიციალურად: იულიან ნაგელსმანი გერმანიის ნაკრებს უხელმძღვანელებს

გერმანიის ნაკრებმა ახალი მთავარი მწვრთნელი დანიშნა. გერმანიის ფეხბურთის ასოციაციის პრესსამსახურის ცნობით, პოსტი მიუნხენის "ბაიერნის";ყოფილმა მწვრთნელმა იულიან ნაგელსმანმა დაიკავა.

36 წლის სპეციალისტმა გერმანიის ნაკრებთან შრომითი ხელშეკრულება გააფორმა, რომელიც მომავალი წლის ივლისის ბოლომდე იქნება ძალაში.

გერმანიის ნაკრების სათავეში ნაგელსმანმა ჰანს-დიტერ ფლიკი შეცვალა, რომელიც ცუდი შედეგების სერიის შემდეგ გაათავისუფლეს.

შეგახსენებთ, რომ 2024 წლის ევროპის ჩემპიონატს გერმანია უმასპინძლებს.