ოფიციალურად: ჯუდ ბელინგემი და მერიჰ დემირალი დისკვალიფიკაციით დაისაჯნენ

UEFA-მ ოფიციალურად დაადასტურა, რომ ჯუდ ბელინგემი და მერიჰ დემირალი დისკვალიფიკაციით დაისაჯნენ.

ინგლისელმა ნახევარმცველმა ბანი სლოვაკეთთან მატჩში გოლის აღნიშვნისას გაკეთებული ჟესტის გამო მიიღო, თურქმა მცველმა კი - ავსტრიასთან შეხვედრაში.

აღსანიშნავია, რომ ბელინგემს (რომელიც €30 ათასითაც დაჯარიმდა) ერთმატჩიანი დისკვალიფიკაცია მისცეს, მაგრამ მას 1 წლის განმავლობაში შეეძლება, თავად აირჩიოს, რომელ შეხვედრას გამოტოვებს. შესაბამისად, ჯუდი შვეიცარიის წინააღმდეგ ინგლისის ნაკრების განკარგულებაში იქნება.

რაც შეეხება დემირალს - თურქმა ორმატჩიანი დისკვალიფიკაცია მიიღო და, ბელინგემისგან განსხვავებით, მას მომდევნო ორი შეხვედრის გამოტოვება მოუწევს. მერიჰი თურქეთს ნიდერლანდებთან ვერ დაეხმარება და, თუ გუნდი მომდევნო ეტაპზე გავა, ვერც - ნახევარფინალში. თურქეთის ფეხბურთის ფედერაციამ აღნიშნული გადაწყვეტილება სპორტის საარბიტრაჟო სასამართლოში გაასაჩივრა.