ოფიციალურად: ლაზარე კუპატაძე თბილისის საბურთალოში დაბრუნდა

ინფორმაციას კლუბის ოფიციალური ფეისბუქ გვერდი ადასტურებს და წერს, რომ ფეხბურთელი ომარ თეთრაძის გუნდს ხვალ, თურქულ შეკრებაზე შეუერთდება.

შეგახსენებთ, რომ ლაზარე ბოლოს ბათუმის "დინამოს" რიგებში თამაშობდა და 2022 წლის 25 ივლისის შემდეგ თავისუფალი აგენტი გახლდათ.

კუპატაძეს "საბურთალოს" რიგებში 128 მატჩი აქვს ჩატარებული. ლაზარე 2018 წელს გუნდთან ერთად საქართველოს ჩემპიონი გახდა, ხოლო 2019 და 2020 წლებში საქართველოს თასი და სუპერთასი მოიპოვა.