ოფიციალურად: მარსელინო გარსია ტორალმა მარსელი ჩაიბარა

„მარსელმა“ ესპანელი მწვრთნელის, მარსელინო გარსია ტორალის მთავარ მწვრთნელად დანიშვნა ოფიციალურად დაადასტურა.

„ოლიმპიკში“ მარსელინო იგორ ტუდორს შეცვლის, რომელმაც გუნდი სეზონის ბოლოს, ხელმძღვანელობასთან უთანხმოების გამო დატოვა.

ესპანელმა სპეციალისტმა ლიგა 1-ს მესამეადგილოსანთან 2-წლიანი კონტრაქტი გააფორმა.

57 წლის მთავარი მწვრთნელის უკანასკნელი გუნდი ბილბაოს „ატლეტიკი“ იყო, რომელიც 2022 წელს დატოვა.