ოფიციალურად: ნაპოლიმ ბუნდესლიგიდან შემტევი ნახევარმცველი დაიმატა

„აინტრახტის“ ნახევარმცველი იესპერ ლინდსტრომი კარიერას „ნაპოლიში“ გააგრძელებს.

ფეხბურთელი იტალიურ გუნდში 5 მილიონ ევროდ იჯარით გადავიდა, რომლის დასრულების შემდეგაც „ნაპოლი“ იძულებული იქნება დანიელი 20 მილიონად გამოისყიდოს.

ამრიგად, ლინდსტრომი „ნაპოლისთან“ 5-წლიან კონტრაქტს გააფორმებს და მისი წლიური ხელფასი 2.3 მილიონი ევრო იქნება.

გასულ სეზონში იესპერმა „აინტრახტში“ ბუნდესლიგაში 27 მატჩი ჩაატარა და 7 გოლი და 2 ასისტი მიითვალა.