ოფიციალურად: ნეიმარი ალ ჰილალის ფეხბურთელია

„პარი სენ-ჟერმენის“ ბრაზილიელი შემტევი, ნეიმარ ჯუნიორი კარიერას საუდის არაბეთის „ალ ჰილალში“ გააგრძელებს.

მხარეებს შორის კონტრაქტი 2025 წლამდე გაფორმდა, გახანგრძლივების პერსპექტივის გარეშე.

ხელფასის სახით ნეიმარი ორ წელიწადში სუფთად 300 მილიონ ევროს მიიღებს, თუმცა თანხა კომერციული შემოსავლებით და ბონუსებით 400 მილიონამდეც შეიძლება გაიზარდოს.

„ალ ჰილალი“ ნეიმარის ტრანსფერში 90 მილიონ ევროს გადაიხდის, თუმცა თანხა ბონუსებით შეიძლება კიდევ 30 მილიონით გაიზარდოს.