ოფიციალურად: ოთარ მამაგეიშვილი კარიერას პორტუგალიის ჩემპიონატში გააგრძელებს

თარიღი: 30 Jan 2025, 15:16

საქართველოს 21-წლამდელთა ნაკრებისა და "იბერია 1999"-ის ნახევარმცვრლი ოთარ მამაგეიშვილი კარიერას პორტუგალიის უმაღლესი ლიგის კლუბ „ფამალიკაოში“ გააგრძელებს.

კლუბსა და ფეხბურთელს შორის ხელშეკრულება 2029 წლის ზაფხულამდე იქნება ძალაში.

ამ ეტაპზე უცნობია თუ რა თანხას მიიღებს საქართველოს მოქმედი ჩემპიონი 22 წლის ფეხბურთელის ტრანსფერში.

ოთარ მამაგეიშვილმა ეროვნული ლიგის 2024 წლის გათამაშებაში 29 მატჩი ჩაატარა, რომელშიც 6 გოლი გაიტანა და სამი საგოლე გადაცემა მიითვალა.