ავტორიზაცია
ოფიციალურად: პეპ გვარდიოლამ მანჩესტერ სიტისთან კონტრაქტი გაახანგრძლივა
მანჩესტერ სიტიმ ოფიციალურად დაადასტურა, რომ პეპ გვარდიოლამ კლუბთან კონტრაქტი 2027 წლის ივნისამდე გაახანგრძლივა.
გვარდიოლა ამბობს: "მანჩესტერ სიტი ჩემთვის ბევრს ნიშნავს. ამ 9 სეზონის განმავლობაში ერთად შესანიშნავი დრო გამოვიარეთ. ამ გუნდის მიმართ განსაკუთრებული გრძნობა მაქვს. სწორედ ამიტომ, ბედნიერი ვარ, რომ კიდევ 2 სეზონით ვრჩები.
მადლობა ყველას, რომ კვლავ მენდობით - მფლობელს, თავმჯდომარე ხალდუნს, ფერანს, ჩიკის, ფეხბურთელებსა და, რა თქმა უნდა, ფანებს... ყველას, ვინც სიტისთანაა დაკავშირებული. აქ ყოფნა დიდი პატივი, სიამოვნება და პრივილეგიაა.
ბევრჯერ ვთქვი, რომ ყველაფერი მაქვს, რაც მწვრთნელს სჭირდება, რასაც ძალიან ვაფასებ.
იმედია, ახლა კვლავ შევძლებთ, რომ ტიტულების მოგება განვაგრძოთ - ამაზე ვიქნები ფოკუსირებული."
პეპი სიტის სათავეში 2016 წლიდან უდგას. მან გუნდთან ერთად 18 ტიტული მოიგო, მათ შორის, ჩემპიონთა ლიგა და 6 პრემიერ ლიგა.
