ოფიციალურად: პიერ-ემერიკ ობამეიანგი საფრანგეთის ლიგა 1-ში ითამაშებს

„ჩელსის“ გაბონელი ფორვარდი, პიერ-ემერიკ ობამეიანგი კარიერას „მარსელში“ გააგრძელებს.

ფრანგულმა კლუბმა 34 წლის თავდამსხმელის ტრანსფერი ოფიციალურად დაადასტურა.

როგორც ფაბრიციო რომანოსგან გახდა ცნობილი, ობამეიანგმა გუნდთან კონტრაქტი 2026 წლამდე გააფორმა, „ჩელსი“ კი მის უფასოდ გაშვებას დათანხმდა.

გასულ სეზონში ობამეიანგმა, რომელიც „ჩელსიში“ „ბარსელონადან“ 12 მილიონ ევროდ გადავიდა, პრემიერ ლიგის 15 მატჩში 1 გოლი გაიტანა.