ოფიციალურად: ქუთაისის ტორპედომ ესპანელი ნახევარმცველი დაიმატა

ამის შესახებ ინფორმაციას იმერული კლუბის ოფიციალური ფეისბუქ გვერდი ავრცელებს.

ესპანელმა ნახევარმცველმა ბოლო 3 სეზონი ხიხონის "სპორტინგში" გაატარა. მანამდე კი კარიერის განმავლობაში ესპანურ გუნდებში თამაშობდა, როგორებიცაა: "ლას პალმასი", "ხირონა", "ლეგანესი", "უესკა", "ეიბარი", "ბარსელონა B".

ესპანეთის ლა ლიგაში რივერამ 51 მატჩი ჩაატარა და 2 გოლი გაიტანა, ხოლო ლა ლიგა 2-ში - 120 მატჩი.

აღსანიშნავია, რომ ესპანელმა ნახევარმცველმა ქუთაისის "ტორპედოსთან" 3-წლიანი კონტრაქტი გააფორმა.