ოფიციალურად: რონალდ არაუხომ ბარსელონასთან კონტრაქტი გაახანგრძლივა

ბარსასთან ურუგვაელი ფეხბურთელის ახალი ხელშეკრულება 2031 წლის 30 ივნისამდე იქნება გათვლილი.

“გამარჯობა, კულეებო. ძალიან ბედნიერი ვარ, რომ ახალი კონტრაქტი გავაფორმე. მადლობა მხარდაჭერისთვის. ვიმედოვნებ, აქ დიდხანს დავრჩები. წინ! Força Barça!" — განაცხადა არაუხომ.

არაუხოს წინა კონტრაქტი 2026 წელს იწურებოდა. ბოლო დროს რონალდის შესაძლო წასვლაზე აქტიურად იწერებოდა, მაგრამ, საბოლოოდ, ის “ბლაუგრანაში” დარჩა.

ბარსელონამ ურუგვაელი 2018 წელს, ბოსტონ რივერიდან, €4.70 მილიონად შეიძინა. არაუხო პირველი გუნდის წევრი 2020 წლიდანაა. მან კატალონიურ გრანდში 155 მატჩი ჩაატარა, 8 გოლი გაიტანა და 6 ასისტი მიითვალა. ამასთან, “ლურჯ-ბროწეულისფერებთან” ერთად ლა ლიგა, ესპანეთის თასი და ესპანეთის სუპერ თასი (2) მოიგო.