ავტორიზაცია
ოფიციალურად: რუდ ვან ნისტელროიმ მანჩესტერ იუნაიტედი დატოვა
მანჩესტერ იუნაიტედმა ოფიციალურად დაადასტურა, რომ რუდ ვან ნისტელროი კლუბს ტოვებს.
"შეგვიძლია, დავადასტუროთ, რომ რუდ ვან ნისტელროიმ კლუბი დატოვა. რუდი ზაფხულში დაგვიბრუნდა, ბოლო 4 მატჩში კი გუნდის დროებითი მწვრთნელი იყო. ის ყოველთვის მანჩესტერ იუნაიტედის ლეგენდა იქნება. მის მიერ გაწეული სამუშაოთი კმაყოფილნი ვართ. რუდს ოლდ ტრაფორდზე ყოველთვის მივესალმებით," - წერია მანჩესტერ იუნაიტედის განცხადებაში.
"წითელი ეშმაკების" ახალმა მთავარმა მწვრთნელმა, რუბენ ამორიმმა ნიდერლანდელის გუნდში დარჩენაზე უარი თქვა, რადგან პორტუგალიელ სპეციალისტს თავის შტაბთან მუშაობა სურს.
ვან ნისტელროი ერიკ ტენ ჰაგის ასისტენტი იყო, მისი გაშვების შემდეგ კი მანკუნიანელთა დროებითი თავკაცი გახდა. რუდმა გუნდს 4 მატჩში უხელმძღვანელა, საიდანაც მათ 3 მოიგეს და 1 ფრედ დაასრულეს.
