ოფიციალურად: ვაკო გვილია კარიერას თბილისის დინამოში გააგრძელებს

ქართველმა ნახევარმცველმა დედაქალაქურ კლუბთან ერთწლიანი კონტრაქტი გააფორმა და გუნდს თბილისში შეუერთდება.

ვაკო გვილიას საფეხბურთო კარიერა უკრაინული ზაპოროჟიეს "მეტალურგში" დაიწყო. შემდეგ ბელარუსის "მინსკის" და "ბატეს", შვეიცარიული "ლუცერნის", პოლონური "გურნიკის", "ლეგიას", "რაკუვისა" და "პიასტის" რიგებს იცავდა.

საქართველოს ეროვნულ ნაკრებში ვაკო გვილიამ 44 მატჩი ჩაატარა, რომელშიც 3 გოლი გაიტანა, 3 საგოლე გადაცემა გააკეთა.