ავტორიზაცია
ომარ იმრანი ბათუმის დინამოში - დეტალი, რომელიც ფეხბურთელის ტრანსფერს აფერხებს
ბათუმის დინამო ლოკომოტივს ნიდერლანდელი ნახევარმცველის ულად-ომარ იმრანის საკითხზე დაუკავშირდა.
GOAL.GE-ს ინფორმაციით, აჭარულმა გუნდმა გამოავლინა ინტერესი 24 წლის შემტევის მიმართ და ლოკომოტივი მზადაა გაუშვას ფეხბურთელი ბათუმის დინამოში, თუ იმრანის სანაცვლოდ სატრანსფერო თანხას მიიღებენ. უფასოდ თბილისური გუნდი ფეხბურთელთან შელევას არ აპირებს.
უკანასკნელ 2 სეზონში ნიდერლანდელი შემტევი ლოკომოტივის საკვანძო მოთამაშეა. გასულ სეზონში იმრანმა თბილისელთა მაისურით 33-ჯერ ითამაშა, 7 გოლი გაიტანა და 5 საგოლე პასი გააკეთა.
დინამო ბათუმმა ახალი სეზონისთვის 3 ტრანსფერი უკვე განახორციელა: ირაკლი ბიძინაშვილი გორის დილადან, მილან რადინი დინამო თბილისიდან და სტეფან დენკოვიჩი ყაზახური კაისარიდან.
