ავტორიზაცია
ორი ფეხბურთელი, რომელთა გაყიდვის შემთხვევაშიც ბარსელონა დე ლიგტის შეძენას ეცდება
კატალონიის "ბარსელონას" ხელმძღვანელობას დაცვის ხაზის გაძლიერება უნდა და ერთი ვარიანტი უკვე შეარჩია.
ასე და ამგვარად, ცნობილი ესპანელი ჟურნალისტი, ხერარდ რომერო იტყობინება, რომ "ლურჯ-ბროწეულისფრები" "იუვენტუსის" მცველის, მატეის დე ლიგტის შეძენის შესაძლებლობას განიხილავს.
"ბლაუგრანა" 22 წლის ჰოლანდიელის გადაბირებას იმ შემთხვევაში ეცდება, თუ ზამთარში მცველ სამუელ უმტიტისა და ნახევარმცველ ფილიპე კოუტინიოს გაყიდვას მოახერხებს.
დე ლიგტს "ბებერ ქალბატონთან" მოქმედი კონტრაქტის ვადა 2024 წლის 30 ივნისამდე აკავშირებს და Transfermarkt-ის ვერსიით, მისი სატრანსფერო ფასი ამჟამად 70 მილიონ ევროს შეადგენს.
მიმდინარე სეზონში "იუვეს" ცენტრალურმა მცველმა ყველა ტურნირზე ერთად 20 მატჩში მიიღო მონაწილეობა და ერთი გოლი გაიტანა.
