ავტორიზაცია

ორი შეთავაზებიდან ორივე ჩაიშალა - რატომ არ შედგა კვარაცხელიას ტრანსფერი ლა ლიგაში?

ორი შეთავაზებიდან ორივე ჩაიშალა - რატომ არ შედგა კვარაცხელიას ტრანსფერი ლა ლიგაში?
თარიღი 09 მაი 2023, 12:47
ცოტა ხნის წინ, გავლენიანი ესპანური გამოცემა Marca ხვიჩა კვარაცხელიას ტრანსფერთან დაკავშირებით საინტერესო ინფორმაციას ავრცელებს.

საქმე იმაშია, რომ "ნაპოლიში" გადასვლამდე კვარაცხელია აქტიურ მოლაპარაკებებს ლა ლიგის კლუბ "ვალენსიასთან" აწარმოებდა.

პირველი შემოთავაზება მან 2021 წელს მიიღო და "რუბინი" ღამურების ხელმძღვანელოაბსაც შეხვდა, თუმცა კორონავირუსმა ყველაფერი შეცვალა და ტრანსფერი დროებით შეფერხდა.

მეორე შეთავაზება "ვალენსიამ" ერთი წლის წინ, 2022 წლის მარტში გააკეთა. ამ დროს კი "ნაპოლის" ყველაფერი უკვე თითქმის დასრულებული ჰქონდა და 11 მილიონ ევროდ, კვარაცხელია სათამაშოდ იტალიურ გუნდში გადავიდა.

ვალენსიელების მთავარი მიზანი მამარდაშვილის და კვარაცხელიას ერთ გუნდში თამაში იყო, თუმცა ზემოთ ჩამოთვლილი ფაქტორების გამო, ტრანსფერი არ შედგა.

სამაგიეროდ, 22 წლის შემტევი "ნაპოლიში" პირველივე სეზონს საოცარს ატარებს, გუნდის ლიდერია და იტალიის ჩემპიონი გახდა, "ვალენსია" კი ლა ლიგაში დასარჩენად იბრძვის.