ავტორიზაცია
ოსიმენი პსჟ-ში, ლუკაკუ ნაპოლიში - მალე ყველაფერი გაირკვევა
შესაძლოა უახლოეს მომავალში, ორი საკმაოდ ხმაურიანი ტრანსფერი ვიხილოთ - საუბარია ვიქტორ ოსიმენზე და რომელუ ლუკაკუზე. ბოლო დღეებია, პსჟ სერიოზულად გააქტიურდა ოსიმენის თაობაზე და მზადაა, ნიგერიელი თავდამსხმელი შეიძინოს. თავად ოსიმენიც არ მალავს საფრანგეთში დაბრუნების სურვილს და სიამოვნებით შეუერთდებოდა დედაქალაქურ კლუბს. ამრიგან, ნაპოლის თადარიგი დაჭერილი აქვს და ''პარტენოპეი'' ოსიმენის შემცვლელად, ჩელსის თავდამსხმელ რომელუ ლუკაკუს მოიაზრებს, რომელიც ნაპოლის თავკაცის, ანტონიო კონტეს საყვარელი მოთამაშეა.
ოსიმენის გამოსასყიდი თანხა 130 მილიონი ევროა და პსჟმ შესაძლოა ეს თანხა გააქტიუროს და ოსიმენი ყოველგვარი პრობლემის გარეშე გადაიბიროს. ლუკაკუს რაც შეეხება, ჩელსი მის სანაცვლოს 35 მილიონს მოითხოვს და ოსიმენის გაყიდვის შემთხვევაში ამ თანხის გადახდა პრობლემა არ უნდა იყოს.
უახლოეს დღეებში ამ ორ პოტენციურ ტრანსფერზე უფრო მეტი ინფორმაცია გახდება ცნობილი.
