პალმეირასის ინტერესი, ბარსელონას თანხმობა და ბეტისის უარი — რა ბედი ელის ვიტორ როკეს?

პალმეირასი ვიტორ როკეთი ინტერესდება და მასთან დაკავშირებით ბარსელონასთან მოლაპარაკებებს აწარმოებს.

ბრაზილიელი ფეხბურთელი ამჟამად იჯარით ბეტისში ასპარეზობს, რომელსაც მისი გაშვება არ სურს და კომპენსაციას ითხოვს.

ბრაზილიური კლუბი კატალონიურ გრანდს იჯარას სთავაზობს, იმ პირობით, რომ ზაფხულში ფეხბურთელის უფლებების 80%-ს €25 მილიონად შეიძენს, დანარჩენი 20% კი ბარსას საკუთრება იქნება.

ჯერჯერობით, მოლაპარაკებები ადრეულ ეტაპზეა, თუმცა ჰანსი ფლიკი ვიტორზე იმედებს არ ამყარებს და მზადაა, ის გაყიდოს.

ბარსელონამ როკე 2024 წლის იანვარში, ატლეტიკო პარანაენსედან დაიმატა, იმავე წლის აგვისტოში კი ბეტისში გაანათხოვრა.