პარი სენ-ჟერმენი მზადაა, იანვარში 2 ფეხბურთელს დაემშვიდობოს

ფაბრიციო რომანოს ინფორმაციით, პარი სენ-ჟერმენი მზადაა, ზამთრის სატრანსფერო ფანჯარაზე რანდალ კოლო მუანი და მილან შკრინიარი გაყიდოს.

ლუის ენრიკემ ორივე ფეხბურთელი ლიონთან გუშინ გამართული მატჩის განაცხადს მიღმა დატოვა და მათზე იმედებს არ ამყარებს.

კოლო მუანის მიმართ ინტერესს ლაიფციგი გამოხატავს. ფრანგს გერმანიაში თამაშის გამოცდილება აქვს - პსჟ-ში გადასვლამდე ის აინტრახტში თამაშობდა. 

შკრინიარზე ჯერ კონკრეტულად არაფერი იწერება, მაგრამ იანვარში მას, სავარაუდოდ, შემოთავაზებები ექნება.