პარი სენ ჟერმენის მეორე მარცხი ლიგა 1-ში — ენრიკეს გუნდმა მონაკოსთან წააგო

ლიგა 1-ის მე-14 ტურის ცენტრალური მატჩი მონაკოში გაიმართა, სადაც ადგილობრივი გუნდი ჩემპიონატის ლიდერს პარი სენ-ჟერმენს დაუპირისპირდა. მაყურებელმა საოცრად დაძაბული შეხვედრა იხილა, სადაც გუნდებმა ერთმანეთს არაფერი დაუთმეს.

იმის მიუხედავად, რომ როგორც მონაკომ, ისე პარი სენ-ჟერმენმაც ბევრი საგოლე მომენტის შექმნა მოახერხა, მაყურებელმა მხოლოდ ერთი გატანილი გოლი იხილა — თავის გამოჩენა ტაკუმი მინამინომ შეძლო, რომელმაც სტუმართა კარი 68-ე წუთზე აიღო და საკუთარ გუნდს უმნიშვნელოვანესი 3 ქულა მოუტანა.

მონაკო 1-0 პსჟ

გოლი: 1-0 ტაკუმი მინამინო (68')