პარი სენ-ჟერმენს ზამთარში შემტევის დამატება სურს - სამიზნე ცნობილია

RMC Sport-ის მიერ გავრცელებული ინფორმაციით, პარი სენ-ჟერმენი იანვრის სატრანსფერო ფანჯარაზე ვიქტორ ოსიმენის შეძენას განიხილავს.

პსჟ-მა ნიგერიელი ფეხბურთელის დამატება მიმდინარე წლის ზამთრის სატრანსფერო ფანჯარაზეც ცადა, მაგრამ ნაპოლის მოთხოვნების გამო ეს ტრანსფერი არ შედგა, ჩელსიმ კი ვიქტორი იმიტომ ვერ შეიძინა, რომ იგი ძალიან მაღალ ხელფასს ითხოვდა.

მას შემდეგ, რაც ბოლო წამზე ალ ჰილალში ტრანსფერიც ჩაიშალა, საბოლოოდ, ოსიმენი იჯარით გალათასარაიში გადავიდა. თურქულ კლუბში მის ანგარიშზე 12 მატჩი, 9 გოლი და 5 ასისტია.

სატრანსფერო ფანჯრის გახსნის შემდეგ, ოსიმენის მიმართ ინტერესი კვლავ აიწევს. მას ნაპოლისთან კონტრაქტი 2026 წლის 30 ივნისამდე აკავშირებს.