ავტორიზაცია
𝗕𝗥𝗘𝗔𝗞𝗜𝗡𝗚: პარი სენ-ჟერმენში დარჩენის მიუხედავად, კილიან მბაპეს საკუთარ მომავალზე აზრი არ შეუცვლია - L'Equipe
კილიან მბაპე „პსჟ-ში" დარჩა, მაგრამ აზრს არ იცვლის.
L'Equipe-ს ინფორმაციით, ფრანგ ფეხბურთელს მიზანი ჯერ კიდევ არ შეუცვლია, ამ სეზონში „პსჟ-ში" დარჩენის მიუხედავად, მას სურს, 2024 წლის ზაფხულს თავისუფალი აგენტი გახდეს და საკუთარი მომავალი თავად გადაწყვიტოს.
კლუბმა და ფეხბურთელმა შეთანხმებას მიაღწიეს, მბაპემ „პსჟ-ს" სასიკეთოდ სხვადასხვა ბონუსებზე უარი თქვა, რაც კლუბს 100 მილიონ ევროზე მეტის დაზოგვის საშუალებას მისცემს.
მიუხედავად ამისა, პარიზელები არ ნებდებიან და იმედი აქვთ, რომ ჩემპიონთა ლიგაზე კარგი გამოსვლა მბაპეს აზრს შეუცვლის და გუნდში დარჩენაზე დაიყოლიებს.
თუმცა, ჯერჯერობით, სიტუაცია უცვლელი რჩება: მბაპეს ამ სეზონის „პსჟ-ში" გატარება და 2024 წლის ზაფხულში გუნდიდან თავისუფალი აგენტის სტატუსით წასვლა სურს.
