ავტორიზაცია
პირველად 2011 წლის შემდეგ, კინი შესაძლოა სამწვრთნელო საქმიანობას დაუბრუნდეს
"მანჩესტერ იუნაიტედის" ყოფილი ფეხბურთელი, როი კინი შესაძლოა "სანდერლენდის" თავკაცი გახდეს. კლუბის ხელმძღვანელობა 50 წლის ირლანდიელთან მოლაპარაკებას გამართავს.
"შავი კატების" ყოფილმა მწვრთნელმა, ლი ჯონსონმა სამსახური დაკარგა "ბოლტონთან" 6-0 წაგების შემდეგ. კინმა სამწვრთნელო კარიერა სწორედ "სანდერლენდში" დაიწყო.
ის კლუბში 2006 წლიდან 2008 წლამდე მუშაობდა. 2007 წელს მისი ხელმძღვანელობით გუნდმა ჩემპიონატში პირველი ადგილი დაიკავა. ირლანდიელი დღემდე დიდი პოპულარობით სარგებლობს კლუბის გულშემატკივრებში.
კინი მთავარი მწვრთნელი 2011 წლიდან არ ყოფილა. ბოლო გუნდი, რომელიც მან ჩაიბარა, "იფსვიჩი" იყო. მას შემდეგ ის მუშაობდა მენეჯერის ასისტენტად ირლანდიაში, "ასტონ ვილასა" და "ნოტინგემ ფორესტში".
დაასრულებს თუ არა მანჩესტერი სეზონს ოთხეულში? - კინის პროგნოზი
