ავტორიზაცია
პირველი ქულების მოლოდინში — საქართველოს ნაკრები ბულგარეთს უმასპინძლებს
2026 წლის მსოფლიო ჩემპიონატის შესარჩევი ეტაპის მეორე ტურში, საქართველოს ეროვნული ნაკრები საკუთარ კედლებში ბულგარეთს უმასპინძლებს.
პირველ ტურში, ვილი სანიოლის გუნდმა დინამო არენაზე თურქეთი მიიღო და უხვგოლიან შეხვედრაში 2-3 დამარცხდა, ბულგარელებმა კი ესპანეთთან უშანსოდ, 0-3 წააგეს.
საქართველოს და ბულგარეთის ეროვნული ნაკრებების ბოლოს ერთმანეთს 2022 წელს ერთა ლიგაზე შეხვდნენ — თბილისში გამართული მატჩი 0-0 დასრულდა, ხოლო ბულგარეთში საქართველომ 5-2 მოიგო.
ისტორიაში კი ეროვნული ნაკრებები ერთმანეთს სულ 8-ჯერ დაუპირისპირდნენ, საიდანაც 2 შეხვედრა საქართველომ მოიგო, 2 ფრედ დასრულდა, ხოლო 4-ჯერ გამარჯვება ბულგარელ ფეხბურთელებს დარჩათ.
საქართველოს ნაკრები სავარაუდო თერთეტეული დღევანდელ მატჩში (4-3-3)
მეკარე: მამარდაშვილი
მცველები: კაკაბაძე, კაშია, გოგლიჩიძე, აზაროვი
ნახევარმცველები: მექვაბიშვილი, გაგნიძე, ქოჩორაშვილი
თავდამსხმელები: დავითაშვილი, კვარაცხელია, მიქაუტაძე
მსოფლიოს შესარჩევი ეტაპის მეორე ტურის მატჩი საქართველოს და ბულგარეთს ეროვნულ ნაკრებებს შორის დღეს, დინამო არენზე გაიმართება და სტარტს 17 საათზე აიღებს.
