პირველი შეთავაზება გაგზავნილია — იტალიური კლუბი სანჩოს დამატებას ცდილობს

იტალიური მედიის ცნობით, მანჩესტერ იუნაიტედის შემტევის, ჯეიდონ სანჩოს ტრანსფერზე სერია ა-ს კლუბი აქტიურად მუშაობს.

Sky Sports Italia-ს ცნობით, 25 წლის ინგლისელის დამატება ტურინის იუვენტუსს სურს და პირველი შეთავაზება უკვე გაგზავნილია — 10 მილიონი ევრო და ბონუსები.

შეგახსენებთ, რომ ჯეიდონ სანჩომ გასული სეზონი იჯარის წესით ლონდონის ჩელსიში გაატარა და მანჩესტერ იუნაიტედში რამდენიმე კვირის წინ დაბრუნდა, თუმცა, ფეხბურთელი რუბენ ამორიმის გეგმები არ შედის.