ავტორიზაცია
პოჩეტინო ნანტთან წაგების შემდეგ: "ცუდად არ გვითამაშია, ძალიან იმედგაცრუებულები ვართ"
"პარი სენ ჟერმენის" მთავარმა მწვრთნელმა, მაურისიო პოჩეტინომ საფრანგეთის ჩემპიონატის ეგიდით "ნანტთან" (1:3) წაგებულ მატჩზე კომენტარი გააკეთა.
"ძალიან განაწყენებულები ვართ. შედეგით იმედგაცრუებულნი, რადგან ცუდად არ გვითამაშია, ბევრი პოზიტიური მომენტი იყო".
"მატჩი რამდენიმე მომენტის გამო წავაგეთ, როცა "ნანტი" ჩვენს კართან ძალიან ეფექტური გახლდათ. ამის გამო დავისაჯეთ".
"ვფიქრობ, ბევრი პლიუსიც იყო, თუმცა, როცა "ნანტთან" 1:3 მარცხდები, მათი პოვნა რთულია. ჩემი ვალდებულება იმ პრობლემების მოგვარებაა, რომლებიც გვქონდა".
"არა მგონია, ეს დაღლილობის ბრალი იყოს, სხვა თამაში, სხვა ტურნირია. სიტუაციას კარგად ვერ გავუმკლავდით", - ციტირებს პოჩეტინოს სიტყვებს პარიზული კლუბის ოფიციალური საიტი.
