ავტორიზაცია
პოჩეტინო: "პსჟ-ს ვერცერთი ფეხბურთელი ვერ იქნება ბრიუგესთან მატჩში თავისი თამაშით კმაყოფილი"
"პსჟ"-ს მთავარი მწვრთნელი, მაურისიო პოჩეტინო მიიჩნევს, რომ კლუბში "ბრიუგესთან" (1:1) ნათამაშები ფრით კმაყოფილი ვერავინ ვერ იქნება.
არგენტინელი სპეციალისტის აზრით, პარიზელთა მოწინააღმდეგე უფრო დიდი სურვილით თამაშობდა.
"გუნდში ვერავინ იქნება თავისი თამაშით კმაყოფილი, ისევე, როგორც ამ შდეგით. აქ ქულების ასაღებად ჩამოვედით. ყველა ქულის".
"ბრიუგეს" წინაშე ქედს ვიხრი. დღეს ჩვენზე მეტი უნდოდათ, ამიტომაც ყურადღებას იმსახურებენ", - ციტირებს პოჩეტინოს სიტყვებს უეფას პრესსამსახური.
ჩემპიონთა ლიგის ჯგუფური ეტაპის მეორე ტურში "პსჟ" "მანჩესტერ სიტის" დაუპირისპირდება, "ლაიფციგი" კი - "ბრიუგეს". ორივე მატჩი 28 სექტემბერს გაიმართება.
