პორტუგალიამ სლოვაკეთი პენალტების სერიაში დაამარცხა - შემდეგი გაჩერება: საფრანგეთი

ფრანკფურტში, ევროპის ჩემპიონატის მერვედფინალში პორტუგალიამ სლოვენია დაამარცხა და შემდეგ ეტაპზე გავიდა.

შეხვედრის ძირითადი დრო ფრედ, 0-0 დასრულდა, შესაბამისად, მატჩი დამატებით ტაიმებში გადავიდა. 105-ე წუთზე პორტუგალიამ შესანიშნავი შანსი მიიღო, მაგრამ კრიშტიანუ რონალდუს იან ობლაკმა პენალტი აუღო.

საქმე თერთმეტმეტრიანების სერიამდე მივიდა, რომელშიც რობერტო მარტინესის გუნდმა მარტივად, 3-0 იმარჯვა - დიოგუ კოშტამ სლოვენიელთა მიერ დარტყმული სამივე პენალტი მოიგერია, პორტუგალიელთა მხრიდან კი კრიშტიანუ რონალდუმ, ბრუნო ფერნანდეშმა და ბერნარდუ სილვამ გაიტანეს.

პორტუგალია 5 ივნისს, 23:00 საათზე, ევრო 2024-ის მერვედფინალში საფრანგეთს დაუპირისპირდება.