ავტორიზაცია
პრემიერ ლიგის ახალი სეზონი ახლოვდება | რას ველით დაწინაურებული გუნდებისგან?
ახალი საფეხბურთო სეზონის დასაწყისი ახლოვდება - მსოფლიოში ერთ-ერთი საუკეთესო ჩემპიონატი, პრემიერ ლიგა კი სტარტს 16 აგვისტოს აიღებს.
ინგლისის ჩემპიონატში, კვლავინდებურად, 20 გუნდი იასპარეზებს, მათ შორის კი დაბრუნებული ლესტერ სიტიც იქნება, რომელიც პრემიერ ლიგაში ერთწლიანი პაუზის შემდეგ დაბრუნდა. "მელიების" მსგავსად, ჩემპიონშიფში 1 წელი იმყოფებოდა საუთჰემპტონიც. მესამე კლუბი, რომელმაც უმაღლეს ლიგაში გადასვლა შეძლო, იფსვიჩ თაუნია - ეს გუნდი პრემიერ ლიგაში 22 წელია, არ ყოფილა. ხსენებული კლუბები ახალ სეზონში ლუთონ თაუნს, ბარნლისა და შეფილდ იუნაიტედს ჩაანაცვლებენ. საინტერესოა, რომ 1997/98 წლების სეზონის შემდეგ პირველად, პრემიერ ლიგიდან ერთ სეზონში სამივე ახლადდაწინაურებული კლუბი გავარდა.
ლესტერს, რომელიც 2022/23 წლების სეზონში მოულოდნელად გავარდა, ლეგენდარული ჯეიმი ვარდი ჯერ კიდევ ჰყავს - 37 წლის ფეხბურთელმა ჩემპიონშიფში 18 გოლი გაიტანა, ახლა კი თავის გამოჩენას კვლავ უმაღლეს ლიგაში შეეცდება. ამასთან, "მელიებმა", გავარდნის მიუხედავად, პატსონ დაკას, ვილფრედ ნდიდისა და რიკარდუ პერეირას შენარჩუნებაც მოახერხეს და ასევე, ჰანი უინქსი ჰყავთ, თუმცა გუნდი მთავარმა მწვრთნელმა, ენცო მარესკამ დატოვა და ჩელსიში გადავიდა.
იფსვიჩმა გასულ სეზონში ჩემპიონშიფში 96 ქულით მეორე ადგილი დაიკავა და ჩემპიონ ლესტერს მხოლოდ 1 ქულით ჩამორჩა. მათ 92 გოლი გაიტანეს, რაც საუკეთესო შედეგი იყო. იფსვიჩის შემადგენლობა, ძირითადად, ბრიტანელებითაა დაკომპლექტებული, მაგრამ გუნდს რამდენიმე ლეგიონერიც ჰყავს, მაგალითად, 20 წლის იამაიკელი ომარი ჰატჩინსონი, რომელიც ჩელსიდან შეიძინა. კირან მაკკენას ხელში გუნდმა დიდი პროგრესი განიცადა, რამაც შედეგი მოიტანა. იფსვიჩის ერთ-ერთი გამორჩეული ფეხბურთელი - 10-იანი კონორ ჩაპლინია, რომელმაც გასულ სეზონში 13 გოლი და 8 ასისტი მიითვალა. ამასთან, გუნდისთვის ძალიან მნიშვნელოვანი ფიგურაა ეგვიპტელი კაპიტანი სემ მორსი, ისევე, როგორც ლეიფ დეივი და მეკარე ვაჩლავ ჰლადკი.
საუთჰემპტონმა ჩემპიონშიფში 87 ქულით მე-4 ადგილი დაიკავა და პრემიერ ლიგის საგზური ფლეიოფით მოიპოვა, რომლის ფინალშიც ლიდს იუნაიტედს მოუგო. გუნდის დაწინაურებაში უდიდესი როლი ადამ ამსტრონგმა ითამაშა, რომლის ანგარიშზეც, ყველა ტურნირზე ერთად, 24 გოლი იყო (მათ შორის, ფინალში), მეორე ბომბარდირი კი 18 გოლით ჩე ადამსი გახლდათ. საუთჰემპტონმა მიმდინარე ზაფხულში ტეილორ ჰარვუდ-ბელისი (€23 მილიონი), ფლინ დაუნსი (€17.85 მილიონი), ბენ ბრერეტონ დიასი (€8.30 მილიონი), იუკინარი სუგავარა (€7 მილიონი) და კიდევ რამდენიმე ფეხბურთელი დაიმატა.
ვინ დაიკავებს ამ გუნდებს შორის ყველაზე მაღალ პოზიციას?
ექსპერტთა პროგნოზები:
ადრიან კლარკი: "ფსონს იფსვიჩზე ჩამოვდივარ. მათმა მწვრთნელმა, კირან მაკკენამ ყველა ტესტი ჩააბარა და გამოწვევებს გაუმკლავდა. მჯერა, რომ მისი გუნდი კონკურენტუნარიანი იქნება. იფსვიჩი ბევრ გოლს გაიტანს და დაწინაურებულ გუნდებს შორის საუკეთესო შედეგი ექნება. იფსვიჩს ახალგაზრდული კოლექტივი ჰყავს, რომელსაც პოტენციალი აქვს. ვვარაუდობ, რომ ისინი მეტოქეებს შიშის გარეშე შეუტევენ. რამდენად შეძლებს გუნდი საკუთარი კარის დაცვას? ეს საკითხავია, მაგრამ ისინი შემტევი ფეხბურთით ქულებს მოიპოვებენ."
ადრიან კაჯუმბა: "ჩემი აზრით, საუკეთესო შედეგი საუთჰემპტონს ექნება. ეს გუნდი სტაბილური და პრემიერ ლიგაში დაბრუნებით მოტივირებული იქნება."
ალექს კებლი: "ლესტერი. მარესკას წასვლა ფარული შველაა - იტალიელის შემტევ ფეხბურთს, შესაძლოა, ლესტერი ახალ ბარნლიდ ექცია. ახლა მათ ჰყავთ მწვრთნელი (სტივ კუპერი), რომელმაც იცის, კონტრშეტევებზე გუნდი როგორ ათამაშოს."
ბენ ბლუმი: "გასულ სეზონში იფსვიჩის რამდენიმე მატჩი გავაშუქე და ამ გუნდის დასახელების სურვილი მაქვს, მაგრამ არ ვფიქრობ, რომ ასე მოხდება. ლესტერს კარგი შემადგენლობა ჰყავს, მაგრამ, შესაძლოა, მწვრთნელის ცვლილების გამო გაუჭირდეს. შესაბამისად, ყველაზე ოპტიმალური ვარიანტი საუთჰემპტონი მგონია."
ინგლისის ჩემპიონატში, კვლავინდებურად, 20 გუნდი იასპარეზებს, მათ შორის კი დაბრუნებული ლესტერ სიტიც იქნება, რომელიც პრემიერ ლიგაში ერთწლიანი პაუზის შემდეგ დაბრუნდა. "მელიების" მსგავსად, ჩემპიონშიფში 1 წელი იმყოფებოდა საუთჰემპტონიც. მესამე კლუბი, რომელმაც უმაღლეს ლიგაში გადასვლა შეძლო, იფსვიჩ თაუნია - ეს გუნდი პრემიერ ლიგაში 22 წელია, არ ყოფილა. ხსენებული კლუბები ახალ სეზონში ლუთონ თაუნს, ბარნლისა და შეფილდ იუნაიტედს ჩაანაცვლებენ. საინტერესოა, რომ 1997/98 წლების სეზონის შემდეგ პირველად, პრემიერ ლიგიდან ერთ სეზონში სამივე ახლადდაწინაურებული კლუბი გავარდა.
ლესტერს, რომელიც 2022/23 წლების სეზონში მოულოდნელად გავარდა, ლეგენდარული ჯეიმი ვარდი ჯერ კიდევ ჰყავს - 37 წლის ფეხბურთელმა ჩემპიონშიფში 18 გოლი გაიტანა, ახლა კი თავის გამოჩენას კვლავ უმაღლეს ლიგაში შეეცდება. ამასთან, "მელიებმა", გავარდნის მიუხედავად, პატსონ დაკას, ვილფრედ ნდიდისა და რიკარდუ პერეირას შენარჩუნებაც მოახერხეს და ასევე, ჰანი უინქსი ჰყავთ, თუმცა გუნდი მთავარმა მწვრთნელმა, ენცო მარესკამ დატოვა და ჩელსიში გადავიდა.
იფსვიჩმა გასულ სეზონში ჩემპიონშიფში 96 ქულით მეორე ადგილი დაიკავა და ჩემპიონ ლესტერს მხოლოდ 1 ქულით ჩამორჩა. მათ 92 გოლი გაიტანეს, რაც საუკეთესო შედეგი იყო. იფსვიჩის შემადგენლობა, ძირითადად, ბრიტანელებითაა დაკომპლექტებული, მაგრამ გუნდს რამდენიმე ლეგიონერიც ჰყავს, მაგალითად, 20 წლის იამაიკელი ომარი ჰატჩინსონი, რომელიც ჩელსიდან შეიძინა. კირან მაკკენას ხელში გუნდმა დიდი პროგრესი განიცადა, რამაც შედეგი მოიტანა. იფსვიჩის ერთ-ერთი გამორჩეული ფეხბურთელი - 10-იანი კონორ ჩაპლინია, რომელმაც გასულ სეზონში 13 გოლი და 8 ასისტი მიითვალა. ამასთან, გუნდისთვის ძალიან მნიშვნელოვანი ფიგურაა ეგვიპტელი კაპიტანი სემ მორსი, ისევე, როგორც ლეიფ დეივი და მეკარე ვაჩლავ ჰლადკი.
საუთჰემპტონმა ჩემპიონშიფში 87 ქულით მე-4 ადგილი დაიკავა და პრემიერ ლიგის საგზური ფლეიოფით მოიპოვა, რომლის ფინალშიც ლიდს იუნაიტედს მოუგო. გუნდის დაწინაურებაში უდიდესი როლი ადამ ამსტრონგმა ითამაშა, რომლის ანგარიშზეც, ყველა ტურნირზე ერთად, 24 გოლი იყო (მათ შორის, ფინალში), მეორე ბომბარდირი კი 18 გოლით ჩე ადამსი გახლდათ. საუთჰემპტონმა მიმდინარე ზაფხულში ტეილორ ჰარვუდ-ბელისი (€23 მილიონი), ფლინ დაუნსი (€17.85 მილიონი), ბენ ბრერეტონ დიასი (€8.30 მილიონი), იუკინარი სუგავარა (€7 მილიონი) და კიდევ რამდენიმე ფეხბურთელი დაიმატა.
ვინ დაიკავებს ამ გუნდებს შორის ყველაზე მაღალ პოზიციას?
ექსპერტთა პროგნოზები:
ადრიან კლარკი: "ფსონს იფსვიჩზე ჩამოვდივარ. მათმა მწვრთნელმა, კირან მაკკენამ ყველა ტესტი ჩააბარა და გამოწვევებს გაუმკლავდა. მჯერა, რომ მისი გუნდი კონკურენტუნარიანი იქნება. იფსვიჩი ბევრ გოლს გაიტანს და დაწინაურებულ გუნდებს შორის საუკეთესო შედეგი ექნება. იფსვიჩს ახალგაზრდული კოლექტივი ჰყავს, რომელსაც პოტენციალი აქვს. ვვარაუდობ, რომ ისინი მეტოქეებს შიშის გარეშე შეუტევენ. რამდენად შეძლებს გუნდი საკუთარი კარის დაცვას? ეს საკითხავია, მაგრამ ისინი შემტევი ფეხბურთით ქულებს მოიპოვებენ."
ადრიან კაჯუმბა: "ჩემი აზრით, საუკეთესო შედეგი საუთჰემპტონს ექნება. ეს გუნდი სტაბილური და პრემიერ ლიგაში დაბრუნებით მოტივირებული იქნება."
ალექს კებლი: "ლესტერი. მარესკას წასვლა ფარული შველაა - იტალიელის შემტევ ფეხბურთს, შესაძლოა, ლესტერი ახალ ბარნლიდ ექცია. ახლა მათ ჰყავთ მწვრთნელი (სტივ კუპერი), რომელმაც იცის, კონტრშეტევებზე გუნდი როგორ ათამაშოს."
ბენ ბლუმი: "გასულ სეზონში იფსვიჩის რამდენიმე მატჩი გავაშუქე და ამ გუნდის დასახელების სურვილი მაქვს, მაგრამ არ ვფიქრობ, რომ ასე მოხდება. ლესტერს კარგი შემადგენლობა ჰყავს, მაგრამ, შესაძლოა, მწვრთნელის ცვლილების გამო გაუჭირდეს. შესაბამისად, ყველაზე ოპტიმალური ვარიანტი საუთჰემპტონი მგონია."
