ავტორიზაცია
პსჟ-მ ახალ მწვრთნელთან დაკავშირებით ყველაფერი მოაგვარა, მაგრამ პოჩეტინოს ვერ უთანხმდება
"პარი სენ ჟერმენი" გუნდის მთავარი მწვრთნელის თანამდებობაზე კრისტოფ გალტიეს დანიშვნასთან ახლოს არის.
როგორც ავტორიტეტული გამოცემა Goal.com-ი იტყობინება, პარიზელებმა "ნიცასთან" სპეციალისტის გამოსასყიდი თანხის ოდენობა შეათანხმეს.
ასე და ამგვარად, გავრცელებული ინფორმაციით, დედაქალაქური კლუბი 10 მილიონ ევროზე ცოტა ნაკლებს გადაიხდის.
გარდა ამისა, "პსჟ" თავად გალტიესთანაც შეთანხმებულია. მისი კონტრაქტი ორ წელზე იქნება გათვლილი, თანამშრომლობის კიდევ ერთი სეზონით გაგრძელების შესაძლებლობით.
ახლა კი, "პსჟ"-ს ისღა დარჩენა გუნდის ამჟამინდელი დამრიგებელი, მაურისიო პოჩეტინო გაათავისუფლოს. ხელმძღვანელობა ცდილობს იგი კომპენსაციის კუთხით დათმობაზე წავიდეს, მაგრამ არგენტინელი მთლიანად 15 მილიონი ევროს მიღებას ითხოვს, საიდანაც 3 მილიონი მის შტაბს ეკუთვნის.
