პსჟ მომავალ ზაფხულს 3 სუპერტრანსფერის გაჩარხვას ეცდება, თუ მბაპე რეალში გადავა

თარიღი: 27 აგვ 2021, 20:13

"პსჟ" რამდენიმე ხმაურიანი ტრანსფერის გაჩარხვას გეგმავს, თუ თავდამსხმელი, კილიან მბაპე "რეალში" გადავა.

როგორც ავტორიტეტული ფრანგული გამოცემა L’Équipe იტყობინება, იმ შემთხვევაში, თუ 22 წლის სუპერვარსკვლავი პარიზს დატოვებს, "პსჟ" "დორტმუნდის" ფორვარდ ერლინგ ჰოლანდის, "მანჩესტერ იუნაიტედის" ნახევარმცველ პოლ პოგბასა და "რენის" ჰავბეკ ედუარდო კამავინგას ხელში ჩაგდებას ეცდება.

ცნობისთვის, პოგბასა და კამავინგას თავიანთ კლუბებთან კონტრაქტები 2022 წლის ზაფხულში ეწურებათ და თანამშრომლობის გაგრძელებაზე კომპრომისისთვის ჯერ არ მიუღწევიათ.

გავრცელებული ინფორმაციით, მბაპემ "პსჟ"-ს ფეხბურთელებს უკვე აცნობა, რომ "რეალში" გადადის და მათ დაემშვიდობა კიდეც.

როგორც ვარაუდობენ, კილიანის ტრანსფერი "სამეფო კლუბს" 170 მილიონი ევრო დაუჯდება + 10 მლნ ბონუსების სახით.