ავტორიზაცია
პსჟ-ს მთავარ მწვრთნელად დანიშვნის მორიგი კანდიდატი, რომელიც პარიზში მუშაობის სურვილს არ მალავს
"პარი სენ ჟერმენი" შეიძლება "ნიცას" მთავარმა მწვრთნელმა, კრისტოფ გალტიემ ჩაიბაროს, იტყობინება ცნობილი ფრანგული გამოცემა RMC Sport-ი.
გავრცელებული ინფორმაციით, ამჟამად გალტიეს კონკურენტი მხოლოდ ერთი სპეციალისტია, რომლის ვინაობაც არ ხმაურდება.
პირად საუბრებში 55 წლის სპეციალისტი აღარ მალავს, რომ "პსჟ"-ს გაწვრთნა უნდა. ლუიშ კამპუშს, რომელიც მალე პარიზელთა სპორტული დირექტორი გახდება, კრისტოფთან ერთად უკვე უმუშავია - "ლილში".
თუ "პსჟ" გალტიეს კანდიდატურაზე შეჩერდება, მაშინ "ნიცასთანაც" მოუწევს შეთანხმება, თუმცა ეს პრობლემა არ იქნება.
არ არის გამორიცხული, გალტიემ "ნიცა" იმ შემთხვევაშიც დატოვოს, თუ "პსჟ"-სთან ვერ მიაღწევს კომპრომისს. შემცვლელთა სიაში ლუსიენ ფავრი, ვენსან კომპანი და მარკო როზე არიან.
