პსჟ-ს შემტევს კორონავირუსი დაუდასტურდა და დიდი ალბათობით, ბარსასთან ვერ ითამაშებს

„პსჟ-ს“ პრესსამსახურის ინფორმაციით, გუნდში კორონავირუსის შემთხვევა დაფიქსირდა.

ფრანგული კლუბის ინფორმაციით, ინფიცირებულია გუნდის ახალგაზრდა იტალიელი შემტევი მოიზე კინი, რომელსაც კოვიდი 3 მარტს დაუდასტურდა.

შედეგად, იტალიელი დაუყონებლივ მოთავსდა კარანტინში და დიდი ალბათობით, „ბარსელონას“ წინააღმდეგ გასამართ საპასუხო შეხვედრას გამოტოვებს.

ჩემპიონთა ლიგის 1/8-ფინალში „პსჟ-მ“ პირველ მატჩში „ბარსას“ 4:1 სტუმრად მოუგო და 10 მარტის საშინაო შეხვედრას კომფორტული უპირატესობით შეხვდება.

„კამპ ნოუს" შეხვედრაში თავი გოლებით კილიან მბაპემ (3) და სწორედ მოიზე კინმა გამოიჩინეს.

აქვე იმასაც გეტყვით, რომ საპასუხო მატჩში პრაქტიკულად გამორიცხულია ნეიმარის მონაწილეობაც, რომელმაც დაზიანების გამო ვერც პირველ შეხვედრაში ითამაშა.