ავტორიზაცია
პსჟ უახლოეს დღეებში ორ გარიგებას დახურავს — პარიზელები ერთ ფეხბურთელს გაყიდიან, მეორეს შეიძენენ
"პარი სენ ჟერმენის" ხელმძღვანელობა უახლოეს დღეებში ორი გარიგების გაჩარხვას გეგმავს, წერს გავლენიანი ინსაიდერი, ფაბრიციო რომანო.
ასე და ამგვარად, პარიზელები 24-25 მილიონ ევროდ 20 წლის ფორვარდ არნო კალიმუენდოს "რენში" ყიდიან.
როგორც აღინიშნება, მიღებულ თანხას საფრანგეთის მოქმედი ჩემპიონი "ნაპოლის" ნახევარმცველის, ფაბიან რუისის ტრანსფერს მოახმარს.
გასულ სეზონში 26 წლის ესპანელმა ყველა ტურნირზე ერთად "ნაპოლის" რიგებში 38 მატჩი ჩაატარა, 7 გოლი გაიტანა და 5 ასისტიც მიითვალა.
რაც შეეხება კალიმუენდოს, ახალგაზრდა ფრანგმა წინა სეზონი იჯარით "ლანსში" გაატარა, სადაც 32 შეხვედრაში მიიღო მონაწილეობა და მეტოქეთა კარი 12-ჯერ აიღო.
