პსჟ ნკუნკუს ტრანსფერით ინტერესდება

ჟურნალისტ ბენ ჯეიკობსის ინფორმაციით, ფორვარდის მიმართ ინტერესს "პსჟ" იჩენს, მაგრამ საქმე ოფიციალურ შეთავაზებამდე ჯერ არ მისულა. 

აღნიშნულია, რომ "ჩელსის" არ სურს ნკუნკუსთან განშორება. ეს მხოლოდ იმ შემთხვევაში მოხდება თუ თავად ფეხბურთელი გამოიჩენს ინიციატივას. 

27 წლის ფრანგმა ინგლისის პრემიერ ლიგაში მიმდინარე სეზონში ჩელსის შემადგენლობაში 18 მატჩი ჩაატარა, ორი გოლი გაიტანა და ერთი საგოლე გადაცემა გააკეთა. 

ნკუნკუს ამჟამინდელი ხელშეკრულება "არისტოკრატებთან" 2029 წლის 30 ივნისამდეა გათვლილი.