პსჟ, შესაძლოა, ჩემპიონთა ლიგიდან მოკვეთონ

Mirror-ის ინფორმაციით, კილიან მბაპეს ადვოკატები პარი სენ-ჟერმენს უეფაში უჩივიან, რადგან ფრანგი ფეხბურთელი ყოფილი კლუბისგან £47 მილიონს (გადაუხდელი ხელფასი) ითხოვს.

მბაპეს მოთხოვნაა, რომ პსჟ მომავალ სეზონში ჩემპიონთა ლიგიდან მოკვეთონ. თუ პარიზულ გრანდს აღნიშნული თანხის გადახდა დაევალება და ამას არ გააკეთებს, UCL-დან მოკვეთის საფრთხის ქვეშ ნამდვილად იქნება.

კილიანი ირწმუნება, რომ პარი სენ-ჟერმენს მისთვის გუნდში გატარებული 3 თვის ხელფასი და ერთგულების ბონუსი არ გადაუხდია. მბაპე პსჟ-ის ლეგენდად მიიჩნევა, მაგრამ მას კლუბთან კარგი ურთიერთობა არ აქვს. თავის მხრივ, პარიზელთა ხელმძღვანელობა უკმაყოფილოა იმითაც, რომ ფრანგმა ფეხბურთელმა გუნდი უფასოდ, თავისუფალი აგენტის სტატუსით დატოვა.

მბაპე რეალ მადრიდში 2024 წლის ზაფხულში გადავიდა. მან გასული წლის მაისში დააანონსა, რომ ფრანგულ კლუბში არ დარჩებოდა - კილიანი ამბობს, რომ ამის შემდეგ პარი სენ-ჟერმენს მისთვის ხელფასი და ბონუსები არ გადაუხდია.

გასულ წლის ოქტომბერში, საფრანგეთის ლიგის სააპელაციო კომისიამ (LFP) ძალაში დატოვა გადაწყვეტილება, რომელიც პსჟ-ს ავალდებულებს, რომ მბაპეს მოთხოვნილი თანხა გადაუხადოს. ამ დრომდე, ნასერ ალ-ხელაიფი ამაზე უარს ამბობს, ახლა კი ფეხბურთელმა კლუბს უეფაში უჩვილა.

26 წლის შემტევმა პარი სენ-ჟერმენში 7 წელი დაჰყო, ლიგა 1 ექვსჯერ მოიგო და გლობალური ვარსკვლავი გახდა.