ავტორიზაცია
პსჟ V არსენალი — დღეს, ჩემპიონთა ლიგის მეორე ფინალისტი გაირკვევა
ჩემპიონთა ლიგის 1/2 ფინალური ეტაპის განმეორებით მატჩში, პსჟ საკუთარ კედლებში არსენალს მიიღებს და მეორე ფინალისტის ვინაობა გაირკვევა.
გუნდების პირველი დაპირისპირება ლონდონში გაიმართა და პარიზული კლუბის გამარჯვებით, 1-0 დასრულდა — იმ მატჩში ხვიჩა კვარაცხელიას ასისტით გოლი უსმან დემბელემ გაიტანა.
დღევანდელ შეხვედრაში ტრავმის გამო მონაწილეობას მასპინძელთა მცველი, კიმპემბე ვერ მიიღებს, ხოლო სტუმრებს გაბრიელი, ჰავერცი, ჟორჟინიო, ტომიასუ და გაბრიელ ჟესუსი ვერ დაეხმარებიან.
შეგახსენებთ, რომ გუშინ, ჩემპიონთა ლიგის 1/2 ფინალური ეტაპის განმეორებით მატჩში ინტერმა ბარსელონა 4-3 დაამარცხა და ორი მატჩის ჯამში (7-6) ფინალის საგზური მოიპოვა.
