პულისიკის ბენეფისი უდინეში — მილანმა ზედიზედ მესამე მატჩი მოიგო

იტალიის სერია ა-ს მე-4 ტურში, მილანი უდინეზეს ესტუმრა და მეტოქე მარტივად, 3-0 დაამარცხა.

შეხვედრის ანგარიში პირველი ტაიმის მიწურულს, მე-40 წუთზე კრისტიან პულისიკმა გახსნა და როსონერი შესვენებაზე ერთბურთიანი უპირატესობით გავიდა. მეორე ტაიმის სტარტზე, 46-ე წუთზე მეტოქის კარი იუსუფ ფოფანამ აიღო, ხოლო ზუსტად 7 წუთში პულისიკმა დუბლი გაიფორმა და საბოლოო ანგარიში, 0-3 დააფიქსირა.

უდინეზე 0-3 მილანი
გოლები: 0-1 პულისიკი (40'), 0-2 ფოფანა (46'), 0-3 პულისიკი (53')

4 მატჩის შემდეგ. მილანს 9 ქულა აქვს და მე-3 ადგილზე იმყოფება — მასიმილიანო ალეგრის გუნდი მომდევნო ტურში სერია ა-ს მოქმედ ჩემპიონს, ნაპოლის სან სიროზე უმასპინძლებს.