ქარიმ ბენზემა რეალ მადრიდში დაბრუნებას განიხილავს

Relevo-ს ინფორმაციით, ქარიმ ბენზემა სეზონის ბოლოს საფეხბურთო კარიერის დასრულებასა და რეალ მადრიდში ამბასადორად დაბრუნებას განიხილავს.

ალ იტიჰადის ცენტრფორვარდისთვის საუდის არაბეთში ცხოვრება ძალიან რთული გამოდგა. იქ გატარებული სეზონნახევრის შემდეგ, ფრანგი ფეხბურთელი მენტალურადაც გადაღლილია.

ბენზემას რეალ მადრიდთან შეთანხმება უკვე აქვს - როცა ის კარიერას დაასრულებს, მადრიდული კლუბის ელჩი გახდება.

ქარიმი საუდი პრო ლიგაში "ლოს ბლანკოსში" გატარებული 14 წლის შემდეგ, 2023 წელს გადავიდა. არაბულ კლუბში ფრანგმა თავდამსხმელმა 40 მატჩი ჩაატარა, 23 გოლი გაიტანა და 11 ასისტი მიითვალა.