ავტორიზაცია
"ქართული ფეხბურთი სწორ გზაზე დგას" | მამადუ სახო
ტორპედო ქუთაისის ფრანგმა ფეხბურთელმა, მამადუ სახომ LaGazzetta.ge-სთან ინტერვიუში საინტერესო თემებზე ისაუბრა.
"საქართველოში ნახევარი წელია ვცხოვრობ და ძალიან კმაყოფილი ვარ. ჩემი ოჯახიც აქ იმყოფება და ისინიც კმაყოფილები არიან. საკმაოდ თბილი ხალხი ცხოვრობს, კლუბშიც კარგი სიტუაციაა და გვაქვს ამბიცია, რომ მაღალ მიზნებს მივაღწიოთ. ტორპედოს გულშემატკივრები კი ცალკე გამოსაყოფია - მათ კლუბი ძალიან უყვართ და ყველაფერს გავაკეთებთ, რომ გავახაროთ.
ეს ჩვენი მთავარი მიზანია. ახალი სეზონისთვის აქტიურად ვემზადებით და ყველაფერი 0-დან იწყება. ახალი ფეხბურთელები გვყავს, ახალი მწვრთნელი, რომელსაც თავისი ხედვები აქვს. ჩვენ მაქსიმუმს გავაკეთებთ, რომ სეზონს კარგ ფორმაში შევხვდეთ. ტორპედოს გამორჩეული ქართველი ფეხბურთელები ჰყავს. ბოლოს გუნდმა ეროვნული ლიგის წლის საუკეთესო მოთამაშე დაიმატა (გიორგი კოხრეიძე) და ვფიქრობ, გავძლიერდით.
გაკვირვებული ვარ, რომ ქართველებს ამდენი ბრწყინვალე ახალგაზრდა ჰყავთ. კარგად ვნახეთ, რა შედეგები დააფიქსირა ნაკრებმა ევროპის ჩემპიონატზე. ვფიქრობ, აქ ფეხბურთი ვითარდება, სწორ გზაზე დგას და კარგი თაობა მოდის, რაც ქვეყნისთვის აუცილებელია," — განაცხადა სახომ.
სრული ინტერვიუს ნახვა შეგიძლიათ აქ.
